النهاية تحدي الملل

 اهليييييييين لاخير مرة 

ما احب النهايات بس كلشي اله حد معين وقت معين وينتهي ما نكددر احنا نغير شي ........

جاانت هذي ال 29 يوم الي قضيتها باسعد اللحظات بمثابة بداية اليه بتحقيق احلامي والوصول الى اهدافي  هي من وجهة نظري هشكل انتم

 ممكن تتسالون شلون او كيف ؟؟؟؟؟صحيح هي يجوز شوية غريبه بس هاي الايام غيرتلي الروتين الممل حفزتني و شجعتني انو ما اتخلى

 عن احلامي خلتني اصدق نفسي من اشوف الجهد الي عد خلي بالانكليزي والتركي ما عيروح عالفاضي , تعلمت واستفاديت كلش بالنسبة

 للتركي ف اعرف احجي و مضبطه اموري هو اني جنت بالبداية ما كلش وعندي القواعد لازم ادرسها واني جان من البدايه انو اكمل

 المستوى الاول A1 و اخلص 50% من A2  بس خلصت 40% A2  منه بس الحلو انو عدفتهم من احجي من اكتب اقره من اشوف

 فيديوات هذا الشي الي عيخليني استمر ومع انو اني حاولت قبل بس فشلت بس ما تراجعت ,  اما الانكليزي ياعيوني الحلو الي لازم اتعلمه

 واصير بي بلبل هالسنه بهل عطلة لان عطلة الجايه اذا الله خلانا طيييبين عندي سادس :( المهم هم اشتغلت عليه بداية التحدي  جنت ما

 كلش تمام يعني ما كلش احجي بي   بس بهل فترة بديت احجي بس ما كلش اوكي مثل التركي يعني ما اعرف مصطلحات كثير احسني 

 واشتركت ببرنامج اسمه قادة الحوار كلش ممتع و يطور من المهارات الي يريدون يحجون انكليزي ف حتى بعد ما كمل التحدي اني

 مستمرة معاهم وعدتعلم بس اني ما تركتو للانكليزي و من زمان حابه ادخل دورة وانشاءالله هالسنة لان كلش احتاجا بحياتي كلش ومع

 انو اني مستمرة على اليوتيوب, و من ضمن الاهداف الي لازم اخلصها هي الروايه وخلصت و القصة و خلصت هي مو قصة بس ك 

اشي اني كتبته بالغله الي عندي مثل اقتباس  او ملخص او درس تعلمتو من يوم من ايامي  

                                                                           

كتبتا ملف PDF بس ما عينزل هنا فكتبت بدفتري , من اهم الشغلات الي تعلمتها من هل تحدي انو اومن بنفسي وماكو شي صعب و

 مستحيل و لازم اترك التوتر والخوف والقلق تجاه الشي الي اني احلم بي  حتى اكدر اطور نفسي بي و ما يحتاج بس اتخيل لازم اشتغل

 و ما ترك لان ماكو شي ح يجيني بلاش بهل ايام تعلمت هذني وصار عندي ثقة بنفسي من جميع النواحي من انو احجي بالانكليزي

 افوت ميت واحجي صح توترت بس بعدها تعودت لان صرت افوت ميتات اكثر واحجي هي دائما تكون البدايات صعبة بس رغم

 صعوبتها بيها لذة ابد ما انسى نفسي باول ميت فتت عليه وحجيت بالانكليزي جنت متوتره حيل و حسيتني عدحجي حجي ما منطقي

و حميت كلش رغم انو السبلت عيشتغل والغرفة ثلج بس وكت الي طلعت من الميت رغم الحجي الي ما مترابط الي حجيتا الا اني جنت

 كلش فرحانه وكلش سعيدة بهل شي حسيت انو بديت احقق احلامي و من بعدها كمت افوت ميتات عادي وصار عندي شجاعة اوكي

 يجوز تكولون صدككك؟؟؟ و هل هذا صحيح من ورا ميت هشكل بس فعلا هذا الي صار والحمدلله و اني كلش سعيدة انو جنت

 بهل التحدي العظيم كلش شكرا للكل الي ساهمو وعملو هل تحدي هذا بنسبة اليه بداية تعبتم كلش ويانه واستمارة تروح واستمارة تجي 

بس كل واحد مننننا اكتشف شي بنفسه , عاشت ايدكم وكلش مننونة منكم  اعتذر على الاطالة :)

                                                                     تحياتي الكم و لكلمن يقرا هل مدونة :)